纽纽仔（童谣舞蹈）

儿歌名称：纽纽仔（童谣舞蹈）
歌词：
作词：戴燕燕
作曲：陈珊
一粒纽仔扁搁扁，
四蕊目睭圆搁圆。
咱来穿衫咱来比，
看来看去成趣味。
在细汉的时阵，
阿嬷有教示，
纽纽仔，
咱囝仔着爱注意。
第一粒，
千万要细腻。
找位置，
着爱认真搁细致。
一粒纽仔对一孔，
一粒一粒纽甲趟。
一步一步学做人，
偷工减料千万不通。
穿衫好亲像学做人，
端正伶俐出人众，
第一粒若是对不对孔，
长短褂又顾歪膏七斜。
人生万事是开头难，
从小认真到大汉。
纽好人生的第一粒纽仔，
脚踏实地一世人。